Ođđa julevsámi mánáidprográmma

Ođđa julevsámi mánáidprográmma báddenbargu lea juste dal jođus ja bistet čavčča rádjái. Prográmmaráiddus leat 18 oasi ja sáddejuvvo čakčat.

Just nu pågår inspelning av nytt barnprogram på lulesamiska som har premiär till hösten. Programmet baseras på boken om Elli-Karin Pavvals barndom. Vi följde med en inspelningsdag hos Jonna i Purkijaur.

- Dat lea dehálaš ahte mii giela gullat ja dat lea maiddái dehálaš ahte mánát ieža ožžot gullat iežá mánáid go sii ságastit. Mon lean bargan ollu Elli-Kareniin, nu got dalle go oahpahan. Sus lea nu hirbmat nanu máhttu ja diehtá nu ollu. Dat lea riekta suohtas suinna leahkit ja go šaddá filbma su girjjis, dat ligge váimmu, dadjá Jonna eadni Sara Fjellström Aira

Otne lea govventeama viđajahkásaš Jonna Aira luhte. Sus dat lea váldorolla otná báddemis mánáidráidoprográmmas mii vuođusta girjjis Elli-Karin Pavvala mánnávuođa birra, dat bođii olggus 1951. Mánát besset govaid geahččat girjjis ja ovttas Elli-Kareniin buohtastit mii leat muktosan doložis otná rádjái.

- Dat lea riekta hávski leahkit mielde mánáiguin ja go lea sámegiella, dat lea riekta hávski. Dat girji mearkkaša riekta ollu munnje. Muitit mu mánnávuođa ain otná beaivái. Ja geahččat daid govaid ja lohkat ja hávskimus leai go dat jorgaluvvui sámegillii, davvi-, julev- ja orjješsámegillii. De mánát besset lohkat sámegillii, dadjá Elli-Karin Pavval, gii lea mielde olles prográmmaráiddus.

Elli-Karina mielas lea dehálaš mánáide vuosehit makkár eallin dolin leai.

- Dat dieđusge addá ja vuoseha got áigi lea rievdan dan rájis go mon ledje mánná ja dáláš áigái. Johtolat, dálvet gieresherggiiguin johtit ja geasset noađđeherggiiguin ja čuoigat ja vázzit. Mu mánnávuođas ii gávdnon oktage mohtor, muitala Elli-Karin Pavval.