Şaxê Pena Kurd li Swêdê hat avakirin

Şaxekê Pena Kurd ya ser bi Pena navdewletî li vê dawiyê li Swêdê hat avakirin. Êvara duyê meha nîsanê û wek çalakiya xwe ya yekem, şevke helbestê û hevnasîna nivîskaran li qehwexaneyekê li Mariotorget li Stockholmê pêk anî.

Endamê komîteya birêveber ya Pena Kurd li Swêdê nivîskar Serkan Birûskî got armanc ji Pena Kurd û van çalakiyan jihevnêzîkbûn û hevnasîna nivîskarên kurd e.

Du nivîskarên kurd, Dilşa Yusuf û Azad Yosef Erdem, di vê şeva Pena Kurd de û li ber dengê bilûra Saman Îlyasî helbestên xwe xwendin û behsa nivîskariya xwe kir.