Csera ziene ulaven o bidrago pe shavora

Csera ziene hasninsarde e possibilita te ulaven e shavorengo bidrago vaj o barnbidrag te si kade ke o shavoro trajij sa kichi kaj o dat thaj e dej, kado si de sar e possibilita avilas ande ando 2006 bersh. De sar kodo sas 160 000 shavora kaj trajin sa kichi vrama kaj vi e dej thaj kaj o dat thaj ferik 25 000 barnbidrag sas ulade pe duj.

Thaj akanak dikhel o regeringo pe kadal regulura thaj jek propocizija avla shutini maj angle kado bersh skirj o Dagens Nyheter. O regeringo kamel sar exemplo te len thele e possibilita ke o jek rodzico ashavel thele o ulajipe ando bidrago. Ferik ke sar kherna inke naj gata.