Hohamne fakturi cirden andre miliardura

Thela phalune panch bersh vazdilas e cifra pe hohamne fakturi ( bluffakturor ) pe 400 procenti thaj cirdel andre kharing le 1,3 miliardura koroni sako bersh sikhavel o Brottsförebygganderådet, Brå.

Jan Olsson kaj si kriminalno inspektoro anda bedrägerisamordningen ande e Stockholms Citypoliser dhikes seriosno pe khadi situacia thaj martvipe anda uchi cifra.

Vov phenel ke le bedragare, kodol kaj bishaven avri le fakturi le homamne si lenge khado bedrägeri atraktimno ke dhiken responso le manushendar ke von bishaven le hohamne fakturi thaj le manush len thaj pochinen le.

Khado typo bedrägeri pravjie shoha naj pe dosh dino thaj le bedragare pravjie shoha naj huchilde phenel o Jan Olsson kriminalinspektori.

Si buth ruzni metodi kaj urzivalin khadal bedragare te hohaven love khatar le firmi kaj pheline ande lenge vas. Exemplura sar hohaven le firmen si fakturenca kaj hohamnej, vaj thena kheren le erbjuda anonsura ande produkblad vaj pe internetsajter kaj vogule naj po chaches.

Khado bedrägeri forma khade dur ghelas ke le bedragare kherde phenge vlasni inkasso firmi kaj cirden andre phenge vlasni love pa hohamne fakturi.

Te si khade ke o krav po pochinipe ghelas khade dur sar inkasso vaj zi kaj o Kronofogden atunchi maj federi te len kontakto inkasso firmasa vaj tena le kronofogdenosa ke von siklej kasave hohamne fakturenca khadi rekomendacia avela khatar e policia.

Ande Citypolisen ando Stockholm si le hohamne fakturi jekh trito kothor anda bedrägeri buchia phnel o Jan Olsson thaj vi phenel ke si jekh cino hopp ke shaj birin te ashaven khado phala khadi buth buchi so e policia shuvel thele pe khado tipo bedrägeri.