Milajeske skoli

Somaj but terne roden e milajeski skola, kado bersz barilas kadi siffra karing le 50%. O problemo si ke iva maj but zhene roden kasavo rodipe naj o budgeto maj baro. Kade ke akana maj pharesi te les o zutipe kaj den pe milajeske skoli, aj saj kerla kade ke but studentura musaj avna te phiren ande skoli inke jek bersz.

Ande but skoli krujal o them linenpe le milajeskeskoli. Ezera studentura ando swedo chi nakle le skoli aj trubuj le zutori ande Mattemattika, Svenska vaj engelska, anda gymnasium.

Aj kadi gruppa barol dramaticnie, kadale bereszesko zutipe katar o them sas karing le 60 miljonura koroni. Kado si sa kachik sar o Skolverket kaj las kuko bersz te del le kommunalni aj le fristående skolen. Aj le studentura kaj so kamen te phiren e miljaeski skola kerdzile maj but, kado pennel o Peter Eide-Jenson kaj si o sherutno pe milajeske skoli anda Skolverket.

Vi le studentura kaj so nakle o tritto bersz anda gymnasium saj zan ande kadi skola te lasharen peske betyg.

O Vova kaj pirel ando Cybergymnasiet aj naklas o 2 bersz akana, vov kamlov te pirel ande milajeski skola. No ferik chi das andre aj akana chi zanel sote kerel te kizdij intrego programo po dujto vaj te zal e dujto klassa ferik.

Kaj kerde le regulura maj puterde vazdaspe kadi gruppa dosta dramaticno, kado bersz rode karing le 42000 studentura le milajesko skola. No ferik karing le 23000 zhenen dinne tan, practicnie sakodi siffra sar kuko bersz aj atunchi feri 28 000 zhene rode kaj kadal skoli.

E themmesko  zutipe pe jek studento si katar le 1600 zi kaj le 2700 koroni, aj kado si vaj o studento zal jek vaj duje kurkengo kurso ande le kärnämnen, svenska engelska aj matematika. 

O Peter Eide-Jensen anda Skolverket pennel ke e responsibilita si shutine pe skoli, ke o them kerel kodo so birij aj kotar si e skoli te keren peski rolla ande kado.

E Eva Marie Byberg kaj si presssekreterare kaj o utbildningsminister o Jan Björklund pennel ke o Skolverket disidulij sar le love ande milajeske skoli site ulaven, aj sode site perel pe sako studento, aj soden site den kado zutipe. No aj sar si akana naj plano te bararen kado zutipe pennel voj.

O Skolverket diklas perdal e buci so sas kerdi kukko bers kanna lassape e milajeskeskoli, aj dikle ke jek majoriteta anda le studentura nakle e skoli possitivni resultatonca. Kado pennel vi o Kent Lindberg kaj si lärare anda Bäckhagens skola ando Bandhagen.